Rauf Mirqədirovun həbsi ilə İlham Mirzəyevin əlaqəsi - Şok

09:30 / 21.04.2014

Azərbaycanın tanınmış jurnalisti, uzun müddətdir Türkiyədə fəaliyyət göstərən Rauf Mirqədirovun qardaş ölkədən deportasiya olunmasının ardınca Bakıya çatar-çatmaz həbsi və ona “dövlətə xəyanət” maddəsi ilə ittiham elan olunmasının səbəbləri ilə bağlı maraqlı məlumat almışıq. “Axar.az”a daxil olan məlumata görə, Rauf Mirqədirovun barəsində “dövlətə xəyanət” maddəsi ilə həbs qətimkan tədbirinin seçilməsi təsadüfü deyil. Bildirilir ki, Rauf Mirqədirovun əleyhinə teleaparıcı və “İlhamed” klinikasının sahibi İlham Mirzəyev ifadə verib. lham Mirzəyevin həbs səbəbləri sırasında onun ötən ilin sentyabr ayında Türkiyəyə səfəri və AST Şirkətlər Qrupunun prezidenti Telman İsmayılov və Baş nazirin keçmiş birinci müavini Abbas Abbasovun “Azərbaycandakı seçkilərin nəticələrinə müdaxilə etmək üçün hazırladıqları planda” yer almasının rol oynadığı barədə xəbər yayıldı. İ.Mirzəyevin Türkiyə səfərində “Mardan Palace” hotelində təmənnasız olaraq dincəlməsi, üstəlik T.İsmayılovdan bahalı hədiyyələr alması da bu baxımdan gündəmə gəldi. Bildirilir ki, hazırda İ.Mirzəyevin sözügedən görüşlərin koordinatoru kimi Rauf Mirqədirovun adını çəkməsi və toplanan əməliyyat məlumatları jurnalistin Türkiyədən deportasiyasının və Azərbaycanda həbsinin əsl səbəbidir. Qeyd olunur ki, 2013-cü il seçkiləri ərəfəsində Rusiyanın dəstək verdiyi “Milyarderlər İttifaqı”nın Azərbaycanda hakimiyyət dəyişikliyinə nail olmaq üçün Türkiyədə apardıqları danışıqların təşkilatçılarından biri də Mirqədirov olub. Bu informasiyanı təsdiqləyən məqamlardan biri R.Mirqədirovun Ərdoğan-Əliyev görüşündən sonra onun Türkiyəni tərk etməsi ilə bağlı tələb aldığını dilə gətirməsidir. Görünür, qardaş ölkələr arasındakı münasibətlərə xələl gətirə biləcək ən xırda məqamların müzakirə edildiyi və aradan qaldırılması üçün razılığa gəlindiyi haqda Prezident İlham Əliyev və Baş nazir Rəcəb Tayyib Ərdoğanın mətbuat konfransında verdikləri bəyanatın arxasında Azərbaycan və Türkiyə daxilindəki dövlət əleyhinə çalışan xarici qüvvələrə qarşı birgə addımlar atılması qərarı artıq özünü göstərməkdədir. Maraqlıdır ki, R.Mirqədirov Türkiyəni tərk etmək istəsə də, dünən onu Bakıya gəldiyi avtobusdan endirərək, deportasiya etdilər. Halbuki onsuz da Türkiyəni tərk etmək üçün artıq avtobusda olan jurnalisti deportasiya etməmək də olardı. Digər məqam isə R.Mirqədirovun Bakıya çatdığı an birbaşa Heydər Əliyev Hava limanında həbsi və Baş Prokurorluğun Ağır Cinayətlərə Dair İşlər üzrə İstintaq İdarəsi tərəfindən barəsində istintaq hərəkətlərinə başlanılmasıdır. Bəlli olur ki, onun deportasiyası birbaşa Azərbaycan hüquq-mühafizə orqanlarının müraciəti əsasında Türkiyə MİT-in topladığı və ötürdüyü məlumatlar əsasında reallaşıb. Xatırladaq ki, R.Mirqədirovun Ermənistana səfər etməsi və oradakı tədbirlərdə iştirakının həbs motivi olduğu barədə ehtimallar da səslənir. Mənbəmizin bildirdiyinə görə, R.Mirqədirov beynəlxalq təşkilatların dəstəyi ilə Ermənistanda keçirilən tədbirlərdə iştirak edib: “Mirqədirovun İrəvanda Azərbaycanın milli maraqlarını satan əməllərə imza atdığı haqda iddia səsləndirmək hələ tezdir”.

Rauf Mirqədirovun həbsi ilə İlham Mirzəyevin əlaqəsi - Şok

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə