Milli- mədəni irsimizin himayədarı – Mehriban xanım Əliyeva

Azərbaycan xalqının tarixi keçmişinə nəzər saldıqda, öz vətəni, dili, dini, əqidəsi uğrunda mübarizə aparan igid oğulları ilə çiyin-çiyinə dayanan qeyrətli xanımlarını da görə bilərik.  Bu qadınlar tarixin müxtəlif dönəmlərində öz məmləkətinin rəhbəri də olmuş, rəhbərin ən yaxın silahdaşı da. Tomris, Nüşabə, Mömünə Xatun, Sara Xatun, Həcər kimi qəhrəman xanımlarla yanaşı, bizim möhtəşəm tariximizi öz şəfqəti ilə bəzəyən Zərifə xanım Əliyeva və Aida xanım İmanquliyeva  kimi xanımlarımız da olmuşdur, bu gün də vardır.

Bu gün Azərbaycan dövləti təkcə öz iqtisadi, mədəni inkişafı ilə deyil, dünyaya nümunə olacaq nəcib adamları ilə də fərqlənir. Ulu Öndər Heydər Əliyevin siyasətini uğurla davam və inkişaf etdirən ölkə prezidenti cənab İlham Əliyevin simasında dünya Azərbaycanı öz tarixinə, bu gününə və gələcəyinə sahib çıxan, buna kifayət qədər gücü olan dövlət kimi tanımaqla yanaşı, ölkənin Birinci xanımı Mehriban Əliyevanın simasında da mədəni, sivil, xeyriyyəçi, dünyaya dostluq əli uzadan bir ölkə kimi tanımaqdadır. Ölkəmizin birinci xanımı Mehriban Əliyeva özünün keçdiyi ömür yolu və çoxşaxəli ictimai fəaliyyəti ilə yüksək ehtiram sahibi olmuşdur. Bu nüfuz və ehtiram bütün fəaliyyətini xalqına həsr etmiş fədakar, vətənpərvər bir övladın, ləyaqətli vətəndaşın tam mənəvi haqqıdır. Elə insanlar var ki, öz varlıqları ilə elə-obaya şan-şöhrət gətirirlər. Nəsildən- nəsilə keçən xeyirxahlıqları, nəciblikləri ilə doğulduqları torpağın, sahibi olduqları vətənin şərəfini uca tuturlar. Belə övladların həyatı xalqa həmişə qürur gətirir. Bu qədər gərgin işlə məşğul olmasına baxmayaraq, fəaliyyətinin əsas hissəsini xalqımızın gələcəyi olan uşaqlara yönəldir. Qaçqın və məcburi köçkün ailələrinin övladlarına, yardıma və qayğıya ehtiyacı olan əlil və xəstə uşaqlara xüsusi diqqət yetirir, onların problemlərinin həllinə kömək göstərir. Xalqlar arasında mədəni əlaqələrin daha da genişləndirilməsi, Azərbaycan mədəniyyətinin dünyada tanınması üçün əlindən gələni edir. Ağır, gərgin, səmərəli fəaliyyəti sakit, rahat həyatdan üstün tutur, çünki canından artıq sevdiyi Azərbaycanın taleyinə laqeyd qala bilmir.

Fəxrlə deyə bilərik ki, Mehriban Əliyeva alicənablıq, insanpərvərlik, kübarlıq kimi yüksək insani dəyərləri, Şərq və Qərb sivilizasiyalarının ən ülvi xüsusiyyətlərini öz şəxsiyyətində cəmləşdirmiş Azərbaycan qadını olaraq, YUNESKO və İSESCO kimi iki məşhur beynəlxalq təşkilatın xoşməramlı səfiridir. Heydər Əliyev Fondunun prezidenti, YUNESKO- nun xoşməramlı səfiri, Milli Məclisin deputatı Mehriban xanım Əliyevanın mütəmadi olaraq amnistiya təşəbbüsü ilə çıxış etməsi də səmimiyyətə söykənən xeyirxahlığın növbəti təcəssümüdür. Yekdilliklə qəbul olunan bu amnistiya aktları bir daha Heydər Əliyev Fondunun insanpərvərlik, humanizm və ədalət kimi ali dəyərlərə sadiqliyini, insan vəvətəndaş hüquq və azadlıqlarına həssas münasibətini əks etdirir.

Mehriban xanım Əliyeva mədəniyyət sahəsində çoxşaxəli fəaliyyəti, milli-mədəni irsimizin qorunması və təbliği yönündə gördüyü işlərlə həm ölkə, həm də beynəlxalq ictimaiyyətin rəğbət və diqqətini qazanıb. Belə ki, Azərbaycanın müstəqilliyinin ilk dövrlərindən etibarən milli mədəniyyətimizin qorunması sahəsində geniş fəaliyyət göstərən Mehriban xanım Əliyevanın təşəbbüsü ilə 1995-ci ildə Azərbaycan Mədəniyyətinin Dostları Fondu təsis olunub. Onun rəhbərlik etdiyi Fondun dəstəyi ilə müxtəlif illərdə muğam müsabiqəsi, uşaq musiqi festivalı, caz festivalı və digər mədəni tədbirlər keçirilib.

Fond Azərbaycan incəsənətinin xaricdə tanıdılmasına fəal dəstəyini davam etdirir. Bunlara misal olaraq, Azərbaycan Respublikasının dövlət müstəqilliyinin bərpa edilməsinin 20-ci ildönümünə həsr olunmuş mərasimləri, dahi Azərbaycan şairi Nizami Gəncəvinin 870 illik yubileyi və. s.tədbirləri göstərmək olar. Yeri gəlmişkən, məhz Prezident İlham Əliyevin və UNESCO-nun və İSESCO-nun xoşməramlı səfiri Mehriban xanım Əliyevanın səmərəli fəaliyyətinin nəticəsi olaraq muğam və aşıq sənəti, tar ifaçılıq sənəti, eləcə də, Azərbaycan xalçası UNESCO-nun qeyri-maddi mədəni irs siyahısına daxil edilib.

 Bu uğur Azərbaycan Prezidenti İlham Əliyevin apardığı məqsədyönlü siyasətin və xalqımızın mədəniyyətinə göstərdiyi yüksək qayğısının nəticəsidir. Azərbaycanın birinci xanımı, Heydər Əliyev Fondunun prezidenti, YUNESKO-nun və İSESKO-nun xoşməramlı səfiri, Milli Məclisin deputatı Mehriban Əliyevanın Azərbaycanın qeyri-maddi mədəni irsinin, xüsusilə muğam və aşıq sənətinin, milli adət-ənənələrimizin dünyada tanıdılması və təbliği istiqamətində gördüyü işlər bu uğurların qazanılmasında mühüm rol oynamışdır.

 Millətin işıqlı gələcəyi naminə bir sıra strateji əhəmiyyətli layihələri inamla həyata keçirən Heydər Əliyev Fondu qısa müddətdə bir çox insanların ümid yerinə çevrilmişdir. Ümummilli liderimizin ölməz ideyalarının layiqli daşıyıcısına çevrilmiş Fond hər bir vətəndaşın zəruri istək və arzularının gerçəkləşməsinə, problemlərinin operativ həllinə maddi-mənəvi dəstək verir. İnsanlara ən müxtəlif səviyyələrdə yardım göstərməklə cəmiyyətdə yalnız sağlam ənənələrin, zəngin əxlaqi-mənəvi dəyərlərin möhkəmlənməsinə çalışır. Ermənistanın işğalı nəticəsində tarixi torpaqlarından didərgin düşmüş qaçqın və məcburi köçkünlərin sosial problemlərinin həllinə yardım göstərilməsi də Heydər Əliyev Fondunun əsas fəaliyyət istiqamətlərindən biridir. Məhz Fondun təşəbbüsü ilə Bakı şəhərində Kəlbəcər rayonundan olan məcburi köçkün uşaqları üçün orta məktəb binaları tikilib istifadəyə verilmişdir. Mehriban xanım Əliyeva bu təbəqədən olan vətəndaşlarımızın problemlərini həssaslıqla duyur və imkan daxilində maddi və mənəvi yardımlarla onlara təsəlli verməyə çalışır. Azərbaycanın birinci xanımı xarici mətbuat orqanlarından birinə verdiyi müsahibə zamanı qaçqın və məcburi köçkünlərimizin ağır vəziyyətindən söhbət açmışdır. "Mən inanıram ki, həqiqət zəfər çalacaq və Azərbaycan öz ərazi bütövlüyünü bərpa edəcəkdir. Dağlıq Qarabağ münaqişəsi ilk növbədə görünməmiş humanitar fəlakətdir. Bir milyon qaçqın- köçkünün hər birinin öz şəxsi faciəsi var... Bəli, biz bu gün Azərbaycan dövlətinin və Azərbaycan cəmiyyətinin imkanı çatan hər şeyi edirik. Onlarla ünsiyyət zamanı bu insanların hədsiz dözümlülüyü və elə bir o qədər də hədsiz inamı adamı heyrətə gətirir. Onlar ədalətin zəfər çalacağına, işğal olunmuş torpaqların azad ediləcəyinə və yenidən ev-eşik sahibi olacaqlarına inanırlar".

Bir ağsaqql kimi inanıram ki, möhtərəm prezidentimiz cənab ilham Əliyevin apardığı məqsədyönlü siyasət nəticəsində torppaqlarımız işğaldan azad olaçaq və biz öz ata-baba yurdlarımıza qayıdaçağıq.

Kəlbəcər ictimaiyyəti, el ağsaqqaları və ağbirçəkləri, ziyalıları və sadə insanları bilavasitə məşhur el sənətkarı Aşıq Şəmşirin ailə üzvləri adından Mehriban xanım Əliyevanı yübleyi münasibəti ilə trəbrik edir, ona nəcib və xeyirxah fəaliyyətində uğurlar diləyirəm. 

 

Qənbər Qurbanov

 "Aşıq Şəmşir Mədəniyyət Ocağı" İctimai Birliyinin sədri