Gənc qızlar uğurlu sahibkarlıq fəaliyyətinə yönləndirildi

10:51 / 25.08.2014

Strategiya.az-a verilən məlumata görə, “Gəncəbasar regionunda gənc qızların sahibkarlıq fəaliyyətinin artırılması” adlı layihə çərçivəsində Gəncədə keçirilən təlimlər başa çatıb.

Prezident yanında Gənclər Fondunun dəstəyi ilə “Gəncliyin Sosial İqtisadi İnkişafına Yardım” İctimai Birliyi tərəfindən “Gəncəbasar regionunda gənc qızların sahibkarlıq fəaliyyətinin artırılması” adlı layihə uğurla başa çatıb. Layihə çərçivəsində YAP Gəncə şəhər Təşkilatının Qərargahında günlərdir 30 nəfər gənc xanımın iştirakı ilə keçirilən təlimlər regionda böyük marağa səbəb olub. Bu barədə layihənin təlimçisi Nailə İsmayılovanın verdiyi məlumata görə təlimlərin keçirilməsində əsas məqsəd işləmək məcburiyyəti qarşısında yeniyetmə və aztəminatlı ailələrdən olan gənc qızların təhsil hüquqlarının bərpası istiqamətində ictimai maarifləndirmə kampaniyası aparmaq və onların peşə kurslarına yönəlməsinə şəraitin yaradılması, uzun müddətli məqsədi isə uğurlu sahibkarlıq fəaliyyətinə yönləndirərək regionun sosial problemlərinin həllinə töhvə verməkdir.

Təlimin rəsmi açılışında YAP Gəncə şəhər Təşkilatı Gənclər Birliyinin sədri Fərid Dünyamalıyev, Gəncə şəhər Gənclər və İdman Baş İdarəsinin rəhbəri Müşfiq Cəfərov, GSİİY İB-nin təlimçisi Nailə İsmayılova və fəal xanımlar iştirak ediblər.
Rəsmi hissədə YAP Gəncə şəhər Təşkilatı Gənclər Birliyinin sədri Fərid Dünyamalıyev bildirib ki, qadınların ictimai fəallığının yüksəldilməsi, iqtisadi və sosial həyatda iştirakının təşviqi Azərbaycan Respublikasının Prezidenti cənab İlham Əliyevin daim diqqətindədir. Sahibkarlığın inkişafı qadınlarda özünə inam hissini artırır. Azərbaycanda hər bir ailənin sosial rifahını yüksəltmək, xüsusilə qadınların sosial-iqtisadi vəziyyətini yaxşılaşdırmaq üçün qəbul olunmuş bir sıra dövlət proqramları ölkədə sahibkarlığın inkişafına təkan verir.
Gəncə şəhər Gənclər və İdman Baş İdarəsinin rəhbəri Müşfiq Cəfərov və təlimçi Nailə İsmayılova qeyd ediblər ki, qadınların ictimai həyatda və biznesdə rolunun artırılmasında Azərbaycanın birinci xanımı, Heydər Əliyev Fondunun prezidenti Mehriban Əliyevanın böyük xidmətləri var. Sahibkar qadınların fəaliyyətini gücləndirmək üçün Heydər Əliyev Fondu tərəfindən müxtəlif layihələr həyata keçirilir. Bu layihələr rayon və kənd yerlərində infrastrukturu yaxşılaşdırır, mədəni- intellektual mühit formalaşdırmaqla sahibkarlığı inkişaf etdirir. Təlimlərdə Gəncədə yaşayan, “Sahibkar Qadınlar” İB-nin, eyni zamanda “Qızıl Əllər” MMC-nin prezidenti Zemfira Ağayeva iştirak edərək gənc qızlarımıza sahibkarlığa gəlişiylə bağlı öz həyat yolundan danışıb və onlara dəyərli məsləhətlər verib.
Qeyd edək ki, 4 gün davam edən təlimdə gənc xanımlarla müxtəlif mövzularda diskussiyalar və yeni ideyalar ətrafında müzakirələr aparılıb.

Gənc qızlar uğurlu sahibkarlıq fəaliyyətinə yönləndirildi

Oxşar xəbərlər

Xəbərlər

Ədəbiyyat

© 2012 | Bütün hüquqları qorunur.

Əlaqə